GESANG 122

1. O HEER, UIT BLOED EN WONDE,          
   UIT KRUISHOUT, HAAT EN HOON          
   BLYK DUID'LIK HOE DIE SONDE          
   DIE LIEFDE RU BELOON !               
   U LIEFDE BRING GENESING              
   AL IS MET U GESPOT.                  
   U LIEFDE SKENK VERGEWING,            
   EN WIL VERSOEN MET GOD.              

2. VERLATE VAN U VRIENDE,               
   VERLATE WORSTELAAR;                  
   VERLATE VAN DIE VADER -              
   VERLATE MIDDELAAR !                  
   NET PYN EN DORS EN DUISTER           
   IS BY U IN U NOOD;                   
   ONTDAAN VAN AARDSE LUISTER,          
   OORWIN U TOG DIE DOOD !              

3. U WAT AS DIE BELOOFDE                
   BEVRYDER DAAR MOES HANG,             
   BRING UIT DIE DOOD WEER DIE LEWE     
   SOOS EENS...  DIE KOPERSLANG !       
   HOE GROOT WAS DAARDIE OFFER -        
   DIE HOOGSTE, HOOGSTE PRYS            
   HERSKEP WEER HIERDIE LEWE,           
   ONTSLUIT DIE PARADYS !               

4. U VASGENAELDE HANDE,                 
   U SPIESVERWONDE SY                   
   SPREEK WYD OOR ALLE LANDE:           
   SO MOES DIE LIEFDE LY -              
   VERVLOEK, OM TE ONTSONDIG,           
   VERLATE, OM TE VIND;                 
   MOES STERF, OM TE VERKONDIG:         
   DEUR MY WORD JY GODS KIND.           

5. U DANK EK, HEER, VAN HARTE           
   DAT U, VERLOSSER, VRIEND,            
   VIR MY DIE BITTER SMARTE             
   GELY HET, ONVERDIEND !               
   WAAR EK HIER OOK MAG SWERWE,         
   DIE TROOS SAL EK BEHOU               
   DAT AS EK EENMAAL STERWE,            
   EK, HEILAND, U AANSKOU.